ياليت حزني مجرد دمع

الصمت يكفي ويشفي صدر راعيه
لا صار كل الحكي مالـه معانـي

والقلب ما عاد تعنيه المشاريـه
والعين ماعاد تغريهـا الأمانـي


والخاطر العمس من يقدر يسليه
الناس وإلا الشعـر وإلا الأغانـي ..؟

يا كاتب الحزن في قلبي وقاريـه
في نظرتي في انفعالي في حناني


ياليت حزني مجرد دمـع وابكيـه
ماهوب عايش معي بين المحانـي


ماهوب يظهر علي وأحاول أخفيه
و تصير نظرات حزني هي لساني

لو للسحايب سجن يا عبرة التيـه
والله ما احبسك بخفاقـي ثوانـي

مدري ذكرني زمان كنت ناسيـه
مدري ذكرت الزمان اللي نسانـي

كنت أكره البحر وأخاف الغرق فيه
و اليوم أحبه واخاف من المواني

كنت أعشق الجاي بأحلامه وأمانيه
يا ما بنيت بخيالـي لـه مبانـي

ياما رجيت العطا من مـدة يديـه
حتى خذا كل شي ومـا عطانـي

نورتي يالغلا يسلمووو

كلمات في قمة الروعهههههه يسلمووووووووووووو خيتو

نورت أخوي يسلمووو